:: ســر جمــال بنــات المنصــورة ::

:: ســر جمــال بنــات المنصــورة ::

يا ترى لية...... لية مشهور ان بنات المنصورة حلوين

طب في حد من الي قرء الموضوع مش من المنصورة طب انت لو مش منها .. نزلتها قبل كدا ؟

بصراحة لو حد نزل هيشوف ان تقريبا كل البنات الي بيشوفهم في

الشارع او الأماكن العامة حلوين اوي وشيك جداً

لو انت مش من المنصورة فعلا عايز منك تضيف تعليقك وتقول ايه الى سمعته عن بنات المنصورة

المهـــم ....

انا هقــولكــم ايــه ســر جمــال البنــات دول .. وعلــى فكــره الشبــاب كمــان شيــك جــدا

ودا من خلال مقالة قرأتها في الجريدة الصادرة عن جامعة المنصورة

كانت بعنوان حلوة بنات المنصورة
[center]
:c':

والي من خلالها اتكلم المؤريخ الكبير استاذ طلعت اسماعيل

وارجع جمال بنات المنصورة للأربع اسباب :

الأول : هوة وجود المماليك والأتراك واشتهارهم بجمالهم

ومعروف انهم تواجدوا في مصر لفترة طويلة وخصوصا ان في المنصورة

كانت بنات العائلات بتتباهى بتزويج بناتهم من المماليك.

الثاني : ان هناك عائلات في المنصورة بتنتمي لأصول تركية

ودا ناتج عن ثرائها وبالتالي كانت بتناسب الأتراك

الي هما في الوقت دا كانوا السلطة الحاكمة والأثرياء

كانوا شرائح كبار الموظفين والعلماء والتجار.

الثالث : الحملات الصليبية من الفرنسين الي انصهروا في المجتمع المنصوري

بعد فشل حملة لويس وخصوصا ان منهم كتير عاشوا فيها واعلنوا اسلامهم .

الرابع : ان معظم اغنياء المنصورة سواء تجار او اصحاب نفوذ

كانوا بيفضلوا الزواج من الأجنبيات يونانيات او ايطاليات

لدرجة ان الجالية اليوينانية كانت اعدادها كبيرة بعد اللإحتلال البريطاني

وايضا زواجهم من التركيات الشركسيات الجميلات .

ودي من الأسباب التاريخية لجمال بنات المنصورة

انا سمعت فعلا ان بنات المنصوره حلوين
واعرف كمان ناس منها حلوين فعلا

طبعا يابنتى لا تقوليلى القاهرة ولا مصر ولا اسكندرية ولا اى حتة

هيا المنصورة وبس
بس
بس

صح ولا اية

هههههههه
لا لالالا البنات حلوه فى اى مكان فى الدنيا

لالالالالالالالا متضحكيش على نفسك

انت بس بتقول كده علشان العقده بتاعتك
حتى لو مش الشكل كفاايه انها بنت
ديه الرومانسيه والجمال كله

مع انى مش فاهم كلامك

ياريت توضيح

انا قصدى ان البنات رومانسين وطيبين

eslam.samo كتب:: طبعا يابنتى لا تقوليلى القاهرة ولا مصر ولا اسكندرية ولا اى حتة

هيا المنصورة وبس
بس
بس

صح ولا اية

فى ايه يا عم انت
حاسب على كلامك
هههههههههههههههههههههههههههه
اغلط فى اى حد الا الغلط فى البنات الاسكندرانى
وبعدين منصورة ايه وبتاع ايه
دى العيال اللى فيها عيال سيس على الاخر

سيس طبعا انا قولت حاجة

مهما متعلمين من بتوع اسكندرية

لالالالالالالالالالالا
انت واخد عننا فكرة غلط خالص
انت اول حد تقول كدا على فكرة

لالالالالالا

بنات المنصورة وبس

وشباب المنصورة وبس

لا طبعا يا اسلام انت غلط
لان البنات الشيك والجمال موجودين ف كل مكان

مين قال كدا ان بنات المنصوره مش هتلاقو احلى منهم فى مصر دا احفاد لويس

واسالو مين احلى بنات فى مصر
ومتشكرين يا زوزا على سيس وزى مقال اسلام مش هنيجى جمبكوم حاجه فى حكايه السيس دى
تسلم يا يا سيمو
المنصوره وبس
شبا ب وبنات

الجمال جمال الروح و احيانا الشكل بس المشكلة اننا دلوقتى بندور على الجمال فى الشكل و نسينا الاخلاق و الاحسيس بندور على المظهر الخارجى و بننسا ان فينا عيوب ربنا يسترها معانا و يقدرنا نختار بالعقول

كلام جميل منك اوى اوى يا احمد تسلم ابو حميد

فعلا فى اى مكان تلاقيهم بيتكلمم عن بنات المنصوره دى شهرتهم عالميه

سر جمال بنات المنصورة هم الانجليز و الفرنسيون لانهم اكتر استعمار عاشوا فى المنصورة و برضو الجمال جمال الروح

اكيد طبعا الجمال جمال الروح فعلا ياما فى ناس جمال جدا بس للاسف لا يصلحوا لاى حاجه ابدا

عندك حق يا ياسمين

كلامك مظبوط اوى

بنات المنصورة وبس

انت اصلى اجمد بنات فى مصر

وااااااااااااااو يعنى انااااااا جدى الكبييييييير كاااااااان تركى ههههههههههههههههه بس فعلاااا المنصوره وبس

هو اللى فى المقال كلام مش منطقى لأن الحاجات اللى فيه تنطبق على اماكن كتير فى مصر و بصورة اكتر من المنصورة يعنى وجود المماليك او الفرنسيين او الانجليز كان اكتر بكتير فى اماكن تانية زى القاهرة مثلا او اسكندرية و جنسيات تانية كتير زى الطلاينة و اليونان و على فكرة انا من المنصورة .. و يعنى هو انت فعلا ممكن تلاقى ناس عينهم ملونة و شعرهم اصفر لكن نسبة عادية زى اللى ممكن تلاقيها فى محافظات تانية مش حاجة خاصة بالمنصورة ..لكن اللى حقيقى يقه و مافيهوش نقاش ان بنات المنصورة جماااااااااال جدا و امامير لكنه الجمال المصرى الخلاب.. و انا عن نفسى ملامحى مصرية عادية بالشعر و العيون الغامقة يعنى لا شعرى اصفر و لا فاتح و لا عينية زرقا و لا خضرا بس الكل بيقوا انى جميلة اوى...اوعووووووووتقولوا انى مغرورة هههههههه

اوك