حكايه من حكايات شجرة عمرى

بسم الله الرحمن الرحيم

كل سنه وانتم طيبيبن ورمضان كريم

حبيت تكون اول مشاركه ليه فى المنتدى معاكم انى افتح قلبى ليكم

واحكيلكم جرح من جروح الدنيا اللى شوفتها وانجرحت بيها

جرح دواة الوحيد كلام بيوجع ( معلش _ ده النصيب_ القدر)

حكايتى كانت فى بنت اول ما شوفتها صدقت الحب من اول نظره دق قلبى دقه حسيت ساعتها انى

ملك متوج حسيت انى املك كل شئ برغم ظروفى الماديه البسيطه حبيتها اه حبيتها

وهى كمان ولان دة حصل فى اول يوم ليا فى شغلى وكانت هى ساكنه جنب الشغل وطبعا كنت

لسه بدرس فى الجامعه وهى كانت لسه طالبه فى المدرسه الثانويه

المهم اتكلمنا وارتبطنا وفضلت قصه حبنا خمس سنين

عمرنا ما افترقتا لحظه حبيت فيها كل حاجه ( طيبتها رقتها دينها ايمانها بالله بسطاتها )

حاولت اعمل حاجه عشان ربنا يكرمنا ويجمعنا مش عشان بحبها بس لكن كمان

لانها فهمنتى وحبيتنى وكانت احن واطيب بنت عرفتها لكن القدر لم يكن رحيما بنا

طبعا لجمالها الفائق جالها عرسان كتير وكانت دايما بترفض عشانى واناو الله كنت بحاول اعمل الى

حاجه لحد اخر سنه ابوها كان مريض برغم صغر سنه وجالها عريس من الللى بيقولوا عليهم لقطه

وغرقوهم هدايا ودهب ولكنها برضه رفضت وصممت لحد

ما قعد معاها ابوها وقالها (يا بنتى انت عارفه انا بحبك قد ايه وخايف اموت قبل ما اطمن عليكى )

اتحركت خدت قرار بمساعده اهلى اننا نتكلم ونحاول برغم ظروفىوكانت المفاجاه

وفاه عمى العريس صاحب ال 29 عام طبعا اكيد كده عرفته باقى الحكايه

يت جماعه الموضوع مش فى كده وبس الموضوع سؤال نقسى حد يجاوبنى عليه

ليه احلامنا برغم بسطاتها دايما صعبه ؟

ليه حلمنا مكتوب علينا نشوفه بيتتحق مع غيرنا ؟

ليه دايما مكتوب علينا نتحرم من احلى حاجه فى حياتنا ؟

ليه مكتوب علينا نقول (اه) واللى يسرق حلمنا يقول الله؟

ممكن حد يقول ليه من غير معلش ولا ده قضاء الله ولا قول الحمد لله لان كل ده

انا عارفه ومؤمن بيه


شكرا ليكم واتمنى انى اكون اخ او صيق خفيف

كل سنه وانتم طيبين